At Arthur Liolin:

PERPARA VARRIT TE FAN NOLIT
Fjalim pas lutjes 22 Mars 2008
Me rastin e Homazhit te organizuar prej Shoqerise Shqiptaro-Amerikane te Bostonit: MassBesa


Me 22 Mars te vitit 1908, prifti i ri Fan Noli meshoi per te paren here ne gjuhen amtare ne vendin e lire te Amerikes dhe ketu ne kryeqytetin e mergimit: ne Boston

Kostandin Demo, nje nga besimtaret tane i cili ishte deshmitar e pershkruajti keshtu: "Ate dite kur Noli meshoi ne shqip na u mbushen syte plot me lot." Vite shume me pare kete dite te shenuar, Sami Frasheri e nenvizoi si ngjarje historike me kete parashikim: "Dy nevoja ka per nje shtet te pavurur shqiptar: alfabeti i gjuhes sone uniform dhe kisha autoqefale orthodokse." Keto dy nevoja u plotesuan ne te njejten vit: 1908. Faik Konica e quajti meshen e pare: "Si pikethese te historise sone qe kurre nuk duhet harruar."

Ulim koken sot para varrit te Imzot Fan Nolit per ta kujtuar ate dite te vecante. Por jo vetem kaq. Nderojme gjithe veprat e tij te jashtzakoneshme ne shume fusha si dhe shembellin e tij gjate evolimit te jetes se tij. Se per ne ai mbetet gjithemone i pavdekshem: imazh dhe Ikon i kombit.

Ka edhe mesime te tjera qe duhen permendur dhe e kam si detyre dhe deshire ta shpreh. Ne boten dhe kohen ku ne jetojme sot, duhet kuptuar fort mire se dialogu, ndjesa, miresjellja, autokritika dhe gjakftohtesia kane nje rendesi per njeriun jo vetem me rendesi fetare, shpirterore dhe hipothetike. Kane rezonenca vitale shoqerore ne qeverisje dhe neper marredheniet kombetare.

Sherimi qe vjen me perulesi ndihmon jo vetem kur falemi dhe njdejme tjetrin, por forcon urtesine me ata dhe ato qe vete falen: i jep perspektive, larteson ndergjegjen duke hapur rruge per zhvillim, bashkepunim, mireqenie dhe largpamesi per te ardhmen. Mesazhi kryesor eshte se dashuria hyjnore dhe mirekuptimi njerezor - sado i veshtire eshte per njeriun ta pranoje - jane me te forte se sa kembengulja dhe kerkojne nje maturi te thelle dhe te ngulur ne shpirt.

Me keto mesime thelbesore Noliane, do ndihmojme femijet tane per te gjetur dhe formuar aspiratat e tyre, brezin e ri per te plotesuar potencialet e tyre dhe brezave qe do vine me pas nesh per te realizuar endrat e rilindasve. Nuk mund te leme nje trashegim me te pershtatshem e te denje per te ardhmen pa vleresuar drejte e nderuar perpjekjet e arritura deri ne ditet e sotme.

Keshtu mendojme se nuk do te kete homazh me te mire, me te ndershem e me te shenjte per te nderuar figuren e Atit tone themelues Fan Noli.

I mbare qofte amaneti i Pranveres Noliane dhe i perjetshem qofte kujtimi i tij.

+At Artur Liolin