Eglantina Kume bashkebisedon me Neki Agon


Me Eglen, u njohem ne Athine ne saje te miqesise se perbashket me poetin Nase Jani. Te dy te anetaresuar ne klubin e shkrimtareve te ardhur nga Shqiperia " DRITA". Eshte nje person qe ngjall respekt qysh me shikimin e pare. Nje intelektuale dhe nje grua mjaft elegante dhe , nuk e di sesi, genjehesh fare lehte per moshen e saj! Askush nuk mund ta beje me shume se dyzet vjece. Aktive, e gjalle, plot freski e nje siluete per tu admiruar. Me te vertete nje shembull i gruas shqiptare.  Krejt rastesisht, ne nje nga aktivitetet e radhes per nje prezantim libri, erdhi biseda tek Tepelena( na pelqen ne tepelenasve te...rrahim pak gjoksin per origjinen tone)! U befasova kur me tha qe jemi dhe patriote!

-Po si?- e pyeta gjithe habi!
-Po dhe une me tha, kam babain nga Peshtani!
Surprize e kendshme, gjithsesi. I propozova ne vend qe, ne kohen me te mundshme, do te doja te na fliste per www.tepelena.com ! Pranoi me mjaft kenaqesi. Pa u zgjatur shume, po ia leme fjalen vete Egles te na "zbulohet" dhe te mesojme per nje artiste e poete qe, pakekush deri me sot e dinte qe kemi origjine te perbashket.

-Egla, tani qe te "zbuluam" qe je me prejardhje nga Tepelena, a nuk na i thua me
mire ti vete se cila eshte origjina e familjes tende?

Kam lindur ne qytetin e Durresit ne vitin 1950. Origjina e familjes time eshte nga Peshtani i Tepelenes. Ne vitin 1944, gjyshi dhe gjyshja ime, sebashku me 7 femije, udhetuan me kembe nga Tepelena (!) ne Durres. U vendosen ne qytetin bregdetar, per nje jete me te mire.

-Si rrjedhoje, femijeria jote eshte e lidhur me Durresin...

Vitet e femijerise i kalova ne qytetin tim te lindjes. Akoma i kam te gjalla nanurisjet ne preherin e prinderve, nen kumbimin e kengeve labe qe kendonin gjyshja dhe gjyshi.

-Kontakti i pare me artin dhe letersine, filloi qysh atehere besoj!

Po! Me kujtohet qysh ne moshen 5-6 vjece recitoja poezite qe shkruante babai. Auditori im ishin oficeret dhe policet e rrethit te Durresit pasi babai im ishte oficer. Me vone, ne vitet e shkolles isha nje aktiviste e gjalle ne grupet teatrale te qytetit.

-Kalimi nga letersi, ne artin skenik, si u be Egla? Cila qe "shkendija" per nje gje
te tille?

Kur isha gjimnaziste dhe merrja pjese ne aktivitetet e shtepise se pionierit, nje rol te rendesishem per pergatitjen time ne artin skenik, luajti aktori i teatrit te Durresit Spiro Urumi. Ndihmesen e tij profesionale e kujtoj me respekt te thelle. Kjo baze qe mora ne Durres, me vleu shume me vone kur hyra ne Institutin e Arteve.

-Cili qe atehere roli yt i pare ne kinematografine shqiptare? Dhe ne c'moshe ndodhi kjo?

Ne vitin 1967 ne qytetin tone xhirohej filmi "Duel i heshtur" ku une luajta nje rol episodik. Ky qe dhe roli qe u be shkak per te luajtur nje vit me vone rolin kryesor qe u kushtohet dy heroinave gjirokastrite, Bule Naipi e Persefoni Kokedhima , "Ngadhnjim mbi vdekjen" Ky film me beri si te thuash, shume te njohur per kohen dhe une pata fatin te shijoj kenaqesisne e nje suksesi shume te madh. Me suksesin tim, nuk krenoheshin vetem familja ime dhe qytetaret e Durresit por edhe tepelenasit. Ne ate kohe kam marre me dhjetra letra nga Tepelena!

-Gjate kohes se studimeve, ma mer mendja se, vazhdoi aktivizimi yt kinematografik dhe teatral, apo jo? Vec te tjerash, tashme ishe e njohur per talentin tend.

Ne vitet 1968-1972 kreva studimet e larta ne Akademine e Arteve ne Tirane. Aty pata
fatin te kem petagoge te shquar si Kujtim Spahivogli e Mihal Luarasi. Ato vite munda te luaja ne pjese teatrale te famshme duke perfshire dhe Shekspirin! Interpretova gjithashtu edhe ne filma te tjere si "Yjet e neteve te gjata", "Lugina e peshkatareve", "Zemra qe nuk plaken".

-Mbas filmave te siperpermendur, sipas bisedave qe kemi bere, nuk more me pjese si aktore ne interpretime filmash. Mund te njohim dhe lexuesin e www.tepelena.com me arsyen?

Sigurisht. Me emerimin tim te detyruar, pasi kreva studimet, mori fund dhe kariera ime si aktore. Ne T.V. Shqiptar te porsa krijuar, mora detyren e regjisores dhe te drejtueses se emisioneve direkt ne kamera. Kam marre pjese ne veshtiresite e plejades fillestare te T.V. Shqiptar, ku aparatura nuk ishte e kompletuar dhe emisionet i benim live, ne kushte shume te veshtira. Me vone u emerova ne kinostudion e filmave artistike si regjisore montazhi ku punova vitet me te shumta te jetes time.

- Le ta "leme" perkohesisht Shqiperine dhe te vijme tek e kaluara jo shume e larget. Ardhja dhe vendosja e familjes suaj ne Greqi. Si ndodhi dhe cili qe shkaku ?

-Ne Athine u vendosa ne vitin 1991 bashke me bashkeshortin tim dhe dy femijet. Shkak per kete u be nje mundesi punesimi per burrin tim si muzikant ne nje orkester simfonike, pasi ne Tirane punonte ne orkestren simfonike te R.T.V-se.

-Kesisoj, me ardhjen ne Athine, rifillove nga e para si te gjithe artistet e emigracionit, aktivitetin tend artistik!

Me ardhjen ne Athine rash ne kontakt me Kolec Traboinin, themeluesin e botuesin e palodhur te gazetes "Egnatia". Aty botova poezite e mia te para qe erdhen si pasoje e presionit psikologjik te emigracionit. Pamundesia e te marrurit me art, me shtyu thelle drejt poezise. Me vone, organizimi i klubit "DRITA" dhe personalisht poeti Nase Jani, u bene per poezine time mbeshtetje dhe vater e ngrohte. Botova dy libra me poezi : "Dy pika qiell" dhe "Lajtmotiv" si dhe vellimin me tregime "Mos". Tani kam ne proces nje vellim tjeter me poezi.

-Me paraprive, te prifte e mira, sic themi ne shqiptaret! Kalove vete tek Egla poete por me pelqen dhe keshtu.(qesh) Me thuaj tani, perpara se te me paraprish serish, a munde te ushtrosh gjate ketyre viteve ne Greqi, sadopak profesionin tend te dashur, ate te aktores?

Gjate viteve ne emigracion pata fatin te ushtroj edhe njehere profesionin tim te humbur te aktrimit! Interpretova rolin e nje nene shqiptare ne serialin televiziv grek te regjisorit te sukseseve, sic quhet ketu ne Greqi, Manushos Manushaqis me titull "Dashuria erdhi nga larg".

-Familja juaj, a ruajti identitein artistik Egla, me ardhjen ne Greqi? Te gjithe e
dime sa e veshtire eshte kjo tashme.

Familja jone e krijuar nga dy artiste, nuk e humbi identitetin artistik edhe ketu ne emigracion. Vajza jone, Migeni, u diplomua ne Athine si violiniste dhe tani punon ne orkestren simfonike te telelevizionit shteteror te Greqise , ERT 1. Po ashtu edhe djali ndjek shkollen amerikane "Musice modern Shcool" ketu ne Athine. Bashkeshorti im , Fatmiri, nuk e ka lene instrumentin e tij, trombonin megjithe moshen per pension dhe merr pjese ne nje orkester simfonike.

-Se fundi dua te pyes dicka per Tepelenen. Cilat jane konkretisht lidhjet e tua me qytetin tone? A ekzistojne mes teje dhe fshatit te babait fije imagjinare lidhjeje?

Lidhjet e mia me Tepelenen, nuk jane konkrete por shpirterore. Tepelenen e ruaj me delikatese ne zemren time. Me ate jane lidhur dhjetra kujtime te babait dhe familjes time qe mi kane transmetuar ne vite. Sa here shkojme ne Shqiperi dhe kalojme nga Uji i Ftohte, djali yne nuk harron te ndaloje makinen e te sodisim shpatin e malit, fshatin e gjyshes time Koder. Jam e sigurte qe im bir, do ta ndaloje gjithmone makinen aty, edhe kur te jete me femijet
e tij.

-Egla, faleminderit per kohen qe harxhove me mua per tu prezantuar perpara lexuesve dhe frekuentuesve te faqes se rrethit tone ne internet. Shpresoj te jesh dhe ti tashme frekuentuese e faqes tone modeste.

Une dua te te falenderoj dhe te percjell nepermjet teje, pergezimet e mia per bashkepunetoret dhe koleget e tu ne staf per punen qe beni dhe perkushtimin ndaj vendlindjes si dhe nje perqafim te ngrohte per gjithe patriotet e mi tepelenas. Qysh sot, jam dhe une lexuese e rregullt e www.tepelena.com. Pune te mbare!

Faleminderit. Do ti percjell me gjithe qejf.

Athine.


Revista Tepelena

Neki Xh. Ago , 13 Maj 2006 - Ke koment?